ორი ცალი აბი ნამდვილი ცნობისმოყვარეებისთვის

ერთ კაცს ვიცნობდი ბავშვობაში. ძალიან საყვარელი იყო, პუტკუნა. დიდი სათვალეები ეკეთა, მუდამ ფანჯრის რაფასთან იჯდა და თავჩაღუნული რაღაცას ჩაკირკიტებდა გულმოდგინედ. მეც ავუვლიდი, ჩავუვლიდი ხოლმე, ფეხის წვერებზე ავიწეოდი, რომ დამენახა რას საქმიანობდა. ჩაეღიმებოდა, სათვალის ზემოდან გამომხედავდა, მოხვედი შე ეშმაკუნაო? მეტყოდა და გააგრძელებდა საქმეს. მერე მამამ მითხრა, ადამიანებს დადუმებულ საათებს უკეთებს, რომ არ დაიგვიანონ სკოლაში ან სამსახურშიო და ძია ტიკ-ტაკი შევარქვი. მაშინ ჯერ კიდევ არ ვიცოდი რა იყო ტიკ-ტაკი, და არც დონალდ ბისეტის “ყველაფერი ყირამალა” მქონდა წაკითხული.

90-იანი წლების ერთ თოვლიან ზამთარში, ფანტელებს რომ ხელის გულზე და ენაზე ვიდნობდი, ფანჯრის მინაზე ცხვირმიჭყლეტილი ატიკტიკებული საათების დანახვას რომ ვლამობდი, ძია ტიკ-ტაკმა ხელის გულზე პატარა, ორი ცალი თეთრი აბი დამიდო და მითხრა, გასინჯე, ენაზე ფანტელივით დნება, მოგეწონებაო.

პარიზული ვნება&სექსი

♥♥faifuris angelozi♥♥: რას შვრები?

roma: რავი თავზე მატყნავენ მთელ ოთახს.

წარმოვიდგინე ნახევრადჩაბნელებულ ოთახში, სადაც ძალიან ცხელა და მიუხედავად იმისა რომ ფანჯრები მაინც ღიაა კომფორტულად მოკალათებული ჩემი მეგობარი ინტერნეტში ვიეტნამის ომზე ქექავს ინფორმაციებს და The Rolling Stones – Gimme shelter უსმენს, ეს სიმღერა ვიეტნამის ომის საუნდთრეკია.

bed ideas

…

BedUp

ხრუშოვის საცხოვრებელი სახლების, ეგრეთწოდებული კომუნალური ბინების აშენების შემდეგ ძნელად თუ ვინმე წარმოიდგენდა რომ თანამედროვე არქიტექტურულ სივრცეში სახლების დაპროექტებისას არქიტექტორი მაინც დააპროექტებდა პატარა ბინებს ადამიანთა იმ კატეგორიისთვის რომელთაც პატარა ფართი აწყობთ საცხოვრებლად, ხოლო ინტერიერის დიზაინერი შესაბამისად მათ კომფორტზე იზრუნებდა.

სამხედრო ჩექმა

ბავშვობაში მომხდარი განსაკუთრებული შემთხვევები ადამიანებს მთელი სიცხადით ამახსოვრდებათ, გულში რჩებათ და წლები ჭირდება მომხდარს სხვა თვალით შეხედონ. ზუსტად ასე განიცადა ჩემში ერთდროს გულში ჩარჩენილმა და ჩაკლულმა ბოღმამ ტრანსფორმაცია და დღეს, მიუხედავად იმისა რომ აღარ მძულს, მაინც ვიცი და ყოველთვის მეცოდინება რომ იგი ფარისეველი, მოძალადე დამპყრობელია.

ტალანტი

-სულელო, შენი კარებთან დატოვებული ბარათი მამამ ნახა და წაიკითხა.

-მერე რა გითხრა?

-ტალანტი ყოფილაო.

-ნახე რა მოგიტანე! ესეც აჩვენე და იტყვის კარგი გემოვნება ჰქონიაო.

ბიჭმა თითებით გოგოს ხელი მოძებნა და ძალიან ლამაზი ნიჟარა დაუტოვა ხელის გულზე.

-ზღვამ გამორიყა, მოგწონს?

-ძალიან.

-გინდა ზღვა გაჩუქო?

ძილისპირული

მე და შენ ერთმანეთს ავცდით აქ, უფროსწორედ მე დაგასწარი იმის მიხვედრა რომ ამ სამყაროში ჩვენი ერთად ყოფნა შენთვის ჯერ ნაადრევი იყო, პარალელურ სამყაროში კი ისევ ერთად ვართ, შვილიც გვყავს, ბედნიერები ვართ. იმის პარალელურ სამყაროში კი საერთოდ არ ვიცნობთ ერთმანეთს, მაგრამ ოდესმე შევხვდებით და წინასწარ თვით უმაღლესმა გონმაც კი არ იცის როგორ განვითარდება მოვლენები.

რომელი სამყაროს ფაბულა აჯობებს ორი არსების, სულის ჩამოსაყალიბებლად.

აქ, ამ სამყაროში ზოგს სწამს რომ ძინავს და გაღვიძების ჟამს იმ სამყაროში აღმოჩნდება სადაც არ ახსოვს რა ხდება, ზოგს ჩემს მსგავსად რეინკარანციის სჯერა, ზოგსაც პარალელური სამყაროების, თუმცა კითხვა მაინც ერთადერთია და განუმეორებელი:

აირჩიე !

ზოგჯერ ორ ნაპირს აერთებს ხიდი,

ზოგჯერ ორ გულთან უჩუმრად მიდის,

ხიდი ხიდია, ბოლოს და ბოლოს,

ყველა ხიდს ქვეყნად აქვს ორი ბოლო.

თუ ფეხი შედგი–გადი ბოლომდე,

თუ გიყვარს, უნდა ეყმო ბოლომდე,

და თუ გძულს უნდა გძულდეს ბოლომდე,

ჭეშმარიტება იწამე ერთი:

შუა ხიდზე დგომა ღალატია ,

კაცის და ღმერთის!

ბიბლიის თანახმად სამყაროს ერთი ნაპირიდან მეორე ნაპირზე უმზერდა ღმერთი ადამიანს, სანამ ქრისტე არ ეცვა ჯვარს და არ გამოისყიდა კაცობრიობის ცოდვა, აღსრულდა აღთქმა და კრეტსაბმელი გაიპო, ღმერთმა ადამიანს აუწყა რომ ამიერიდან მონანიებაა ის ხიდი რომელიც დააკავშირებს მასთან.

მონანიება ხომ ადამიანის არჩევანია? შენ ირჩევ შენს ცხოვრებას და რწმენას, არჩევანის გარეშე რა ხარ, ფიზიკური სხეული რომელიც უბრალოდ არსებობს და თავისი არსებობით კვალს არ ტოვებს სამყაროში, თავისი ინდივიდუალობით არ ამახსოვრებს ირგვლივმყოფებს თავს, შესაბამისად არ განიცდის სამყაროს არსებობას და ინდეფერენტულია გარემოს მიმართ ხომ?

ბოდვა.

-წამო რა წავიდეთ იქ სადღაც შორს, რაც უფრო შორს წავალთ მით უფრო გავთავისუფლდებით საზოგადოებრივი დოგმებისგან და მეტად თავისუფლები ვიქნებით, არ გვინდა ეს თანამედროვე ცივილიზაცია, ულტრამოდური ტექნიკა და რაღაც საოცარი მანქანებით შექმნილი ინტერნეტ სივრცე რომელიც მსოფლიოს ნებისმიერი წერტილიდან გაკავშირებს ნებისმიერ ადამიანთან და გგონია რომ ვირტუალური სამყაროთი შეგიძლია იცხოვრო, იმეგობრო, გიყვარდეს და ა.შ..

წამოდი რა, წავიდეთ იქ, სადაც არ არსებობს არანაირი კანონები და ორივენი უბრალოდ თავისუფლად ვიცხოვრებთ, ზედმეტი ფიქრებისა და